ថ្ងៃព្រហស្បត៌ ទី១៩ ខែតុលា ឆ្នាំ២០១៧
Article ads (bottom)

វិធីធ្វើក្រូចងាំង៉ូវ

  • ថ្ងៃព្រហស្បត៌ ទី១៤ ខែកញ្ញា ឆ្នាំ២០១៧

ក្រូចឆ្មា​មិន​ត្រឹម​តែ​ផ្តល់ ​អត្ថប្រយោជន៍​ជា​ច្រើន​សម្រាប់សុខភាព​យើង​ទាំងប៉ុណ្ណោះទេ វាថែមទាំង​ជាគ្រឿង​ផ្សំ​ដែល​ធ្វើឲ្យ​ម្ហូប​​កាន់តែ​មានរស់​ជាតិ​ឆ្ងាញ់​ថែម​ ទៀត។ ​អត្ថបទខាងក្រោមនេះ​បង្ហាញ​ពី​វិធីធ្វើ ក្រូច​ងាំង៉ូវ ដែល​អាច​រក្សាទុក​ប្រើប្រាស់បាន​យូរ។ 

 

+ គ្រឿងផ្សំ
– ​ក្រូចឆ្មា ១០ផ្លែ
– ស្ករត្នោត ១ស្លាបព្រាបាយ
– អំបិល ៣ស្លាបព្រាបាយ
– ទឹកខ្មេះ ៤ស្លាបព្រាបាយ
– ទឹក ១លីត្រ

+ វិធីធ្វើ
១. មុន​ដំបូង​យក​ក្រូច​ឆ្មា​មក​​លុញ​ឲ្យ​ទន់​ បន្ទាប់មក​​​​យក​វា​ទៅ​ស្រុះ​ក្នុង​ទឹក​​​កំពុង​ដាំពុះ​​ប្រហែល​ជា​ ៥នាទី។
២. ​៥នាទី​ក្រោយ​មក​​ស្រង់​យក​មក​លាង​ទឹក​ត្រ​ជាក់​ រួច​ហើយ​ដាក់​ហាល​ថ្ងៃ​ឲ្យ​ក្រៀម​ប្រហែល​ជា ២-៣ថ្ងៃ។
៣. បន្ទាប់​ពីហាល​ថ្ងៃ​ស្ងួតហើយ​យក​វា​​មក​ច្រក​ចូល​ក្នុង​ក្រឡរ។
៤. យក​ស្ករត្នោត​ដាក់​ចូល​ក្នុង​ឆ្នាំង​ ចាក់​ទឹក​បន្តិចរួច​កូរ​វា​ឲ្យ​​ស្អិត​ឡើង​ជើង​អង្ក្រង។
៥. ដាក់​ទឹក​អំបិល និងទឹកខ្មេះ​ចូល​​​កូរ​វា​​ឲ្យ​​រលាយ​​រួច​​​ដាំ​​​ឲ្យ​ពុះ​ បន្ទាប់​ពី​ទឹក​ពុះ​ហើយ​ត្រូវ​បិតភ្លើង​ទុក​ទឹក​នោះ​អោយ
​ត្រជាក់។
៦. ពេល​ដែលទឹក​ត្រ​ជាក់​យក​វា​ទៅ​ចាក់​ចូល​ ឬក៏ដួសដាក់​ក្នុង​ក្រឡរ​ដែល​បាន​ដាក់​ក្រូច​ចូល​​​​ទុក​វា​មួយ​សប្តាហ៍អាចយក វា​ទៅ​ប្រើបាន​ហើយ៕

PA News